Sugeng Riyadi 1 Syawal 1431 Hijriyah

IKRAR SYAWALAN PEMUDA/I DUSUN KALANGAN

Dumateng  ngarsanipun para pinisepuh lan kasepuhan, kparenga kula badhe matur ikrar halal bi Halal, Minangka wakil saking para kaneman Ing pedukuhan kalangan,. Namung mbok bilih sakmangke, kathah kalepatan anggen kulo matur, kulo nyuwun agunging sih samudro pangeksami.

Ingkang sepisan, sedaya putra wayah lan pihak kaneman ngaturaken sungkem pangabekti mugi katur dhumateng para pinisepuh sedaya, sinartan atur pandonga, mugi-mugi para pinisepuh tansah rahayu ingkang tinemu, sembada ingkang sinedya, jumbuh ingkang ginayuh lan ugi panjang yuswa.

Ingkang kaping kalih, kawulo ngaturaken Sugeng Riyadi 1 Syawal 1431 Hijriyah. Taqobalallahuminawaminkum, wa kullu amin wa antum bil khoir

Kanthi purbawaning dinten riyadi punika, keparenga kula lan putra wayah ngaturaken sedaya kalepatan lahir lan batos, lampah setindak wiraos seklimah, ingkang damel gerahing penggalih para pinisepuh, keparenga putra wayah nyuwun agunging pangapunten. Mugi Gusti Allah nglebur dosa lan kalepatan kulo sedaya ing dinten riyadi punika lantaran saking para pinisepuh sedaya.

Inkang saklajengipun, sedaya putra wayah nyuwun pandonga saha pangestu, mugi-mugi ingkang sami sinau sagedto lancar lan kasil menapa ingkang dados gegayuhanipun. Ingkang sami makarya ugi keparingan gangsar lan wilujeng sedayanipun.

Cekap semanten atur kula, minangka wakil saking kaneman lan sedaya putra wayah, mbok bilih kathah kalepatan anggen kula matur, kulo nyuwun agunging sih samudro pangeksami.